超模古晨完美比例

內地模界人才眾多，但能夠成為超模嘅卻寥寥無幾，原因好簡單，有啲女仔有身材冇高度，亦有啲女仔雖然樣貌省鏡，但三圍唔夠勻稱。要做超模，標準條件至少要好似索女古晨咁，擁有5呎9吋嘅身高，身材更要合乎黃金比例，咁先至夠資格！

經驗豐富

來自山東煙台嘅古晨，於2005年以首名資格考入北京舞蹈學院，習舞期間，佢仲走去參加中韓超模大賽，並以超水準嘅表現勇奪第一名，從此踏上模特兒之路。

與一般內地模特兒有別，古晨入行冇耐已經取得資格到世界各地參加時裝表演，以及出席國際知名品牌產品嘅發布會，所獲得嘅工作經驗，令佢嘅成績突飛猛進，奠定佢嘅超模地位。此外，呢位索女亦拍過不少知名時尚雜誌封面，就連日本、比利時等國家嘅雜誌都搵過佢影相，認真犀利。

雖然古晨唔算係大美人，冇化妝時更加係判若兩人，之不過佢副偈的確Fit到爆。33C上圍，配合23吋小蠻腰，再加一個33吋美臀，以及修長美腿，比例上已經贏人哋幾條街，佢能夠成為超模，都唔係冇原因嘅。

身高：5呎9吋

三圍：33C-23-33