眉淡囡囡 講求氣氛
眉淡囡囡 講求氣氛
之前講過男人眉毛淡，會喺工作上助力不足，欠遠大目光，但如果女性眉毛淡薄，又代表乜嘢呢？原來係代表心思縝密，對眼前事物大多可以瞭如指掌。
有人會問點解會有咁大差距呢？其實情況一樣，如果男人只看眼前小利，做生意想做得大都幾難！
以前嘅女性，唔使做大生意，只要顧好頭家，睇好眼前利害，咁就已經係個稱職妻子。當然，喺今日，如果眉毛淡想做女強人，就會比較吃力，但要做一啲人事、會計、行政等嘅主管，亦會做得頭頭是道，所以女性眉毛淡嘅壞影響冇男人咁嚴重。
喺情愛方面，要追求呢種囡囡，只要施予小恩小惠，大多數都可打動其芳心。當然，加埋甜言蜜語，就會手到拿來。至於床上嘅表現，明顯係慢熱型，佢哋比較着重前戲嘅環境同氣氛，只要氣氛到，佢哋就特別好反應，否則只會好似死魚一條。