粉紅公主路子瀅

最近收到一位崔姓讀者查詢，佢話早前喺網站上見到一位樣貌同身材都相當出眾嘅靚女，乜嘢名就唔知，淨係知道佢有「粉紅公主」之稱，以及被內地網友譽為「華中第一美女」。小記聽到之後，就第一時間解答佢，事關呢位靚女就係現時內地網絡十大爆紅模特兒之一，路子瀅是也，咁出名，我又點會唔識呢？

魔鬼身材

路子瀅今年22歲，喺大學時代已經有「武大第一校花」嘅美譽，畢業後加入模界發展，並於2007年參加全國小姐大賽，於武漢網絡賽區奪得第一名，同年又參加咗一個Show Girl選舉獲得亞軍。直到2008年，子瀅再度出擊，參加全國平面模特兒大賽，於武漢賽區再次成為冠軍人馬，實力可見一斑。

子瀅可謂擁有天使面孔、魔鬼身材嘅超級靚女，最重要係佢毫不吝嗇自己嘅美好身材，經常着低胸裝示人，一對白滑堅挺嘅咪咪，真係睇到人流口水。子瀅之所以有「粉紅公主」嘅稱號，原來係因為佢經常穿着粉紅色性感服飾示人，佢嘅部落格瀏覽率更超過100萬人次，認真厲害！

子瀅質素咁超班，自然吸引廣告商留意，唔少化妝品牌更搵佢做代言人！另一方面，佢亦曾為多本不同類型嘅雜誌拍攝封面，按照目前走勢嚟睇，子瀅喺業界應該仲有排紅。