日本夜場為錢低頭

如今中日關係緊張，我卻在這時候不斷收到一些兩地夜遊界欲作交流的訊息。當然，澳門夜場早就視日韓兩地為重要客源，亦早就有相應措施去配合，除了在外地做宣傳，場中也聘請了精通日韓語言的員工以作招待。日積月累，成效已很不錯，尤其是幾家大型桑拿場。「返上去玩要冒嘅風險唔細，所以愈來愈多客流番嚟澳門街，消費貴少少，但安全得多，好多外地客都係穩陣至上！」

此外，早陣子我也收到做旅行社的朋友查詢，他說日本方面有公司問路，想做港客、台客、內地客：「經濟唔好，本地消費市場食唔飽、撐唔起，就自然想做埋外地客o架啦。」這個朋友對於我關於日本夜遊界一向抗拒外地客的疑慮，一語道破。「我唔係話全部場都中門大開，但的確已經有場為錢低頭，開放條路出嚟。」

至於那家問路的日本公司，原來一早已經開始做內地客的生意，途徑，就是靠網絡。「佢哋喺嗰邊有導遊帶路，又有專車管接管送，仲可以訂埋酒店同安排本地遊行程，不過因為範圍唔夠廣，客量唔多，所以咪睇吓有冇其他渠道囉！」