網博滿春光

現世代宅男宅女愈來愈多，漸漸形成社會問題。要了解佢哋點解成日留喺家中成為御宅族，除咗要知道佢哋唔肯出街嘅原因，亦要查探有咩原因令佢哋唔捨得離開屋企。相信近年風靡萬千男女嘅網絡遊戲亦係一大誘因！

美女造勢

當然，網絡遊戲世界廣闊，可以畀玩家同世界各地不同玩家交流之外，最吸引嘅因素，仲係開發商好鍾意用性感美眉做代言人！最近喺北京舉行嘅第八屆中國國際網絡文化博覽會，一班遊戲開發商，為咗推銷自己嘅遊戲，就派出大量性感美女Show Girl出場造勢！

呢班Show Girl要可愛有可愛，要優雅有優雅，要野性亦有大把！唔怪得可以惹到咁多男網友同龍友湧住入場啦！另外，現場亦有好多妹妹仔表演遊戲角色Cosplay，打扮又係性感火辣！有咁多美色誘惑，就算唔知隻遊戲好唔好玩，都要逼埋去買！買咗返屋企又冇理由浪費o架，一玩之後仲上埋癮，所以咪愈來愈多人沉迷網絡遊戲囉！