直眉男愛衝紅燈
直眉男愛衝紅燈
男人條眉如果直直一條，濃密適中，冇彎冇角，我哋稱之為「一字眉」，佢哋嘅性格直腸直肚，凡有唔滿意，都會不吐不快。有人會覺得佢哋衝動，但亦有人欣賞佢哋夠爽朗，所以整體運氣都算不過不失。
感情上佢哋亦係一個敢愛敢恨嘅人，如果遇上自己喜歡嘅囡囡，一定會義無反顧咁去追求對方，就算碰到一鼻子灰都會在所不惜，但當佢哋唔再喜歡對方，就算囡囡跪喺地求佢，佢哋都唔會回心轉意，所以對一字眉嘅男仔，千祈咪玩得太盡！
至於喺床上，佢哋絕對唔係一個好情人，每當佢哋有需要時，只會諗住滿足自己，就算女伴好攰，甚至有親戚到訪，佢哋都唔理得咁多，一於照衝，就算草草了事，亦覺得冇所謂，絕對係一個自私情人，有得揀就千祈咪揀喇！