讀窿神探

肥明自認係一等一嘅獵人，有一晚，佢同朋友落到一間英式酒吧暢飲之後，大大聲話：「我打獵一向都例不虛發，打過嘅野獸多不勝數，仲有呀！只要我聞一聞塊動物皮，就知來自邊種動物，摸一摸皮上面嘅窿就知用邊種槍打中！」

肥明講到自己咁叻，喺酒吧內梗係有人唔信兼唔服啦！所以即刻有人上前挑戰，叫肥明蒙起雙眼，然後畀咗塊動物皮佢摸吓聞吓，如果估得中就請佢飲一杯酒。第一次，肥明聞過摸過之後，就話：「係麋鹿，畀點二二口徑嘅槍打死嘅！」肥明成功贏咗一杯。第二次，肥明又話：「灰熊，畀點四五口徑嘅槍打死嘅！」肥明又估中！整晚，肥明總共贏咗十杯酒，然後醉醺醺咁返屋企。

第二朝早，肥明一起身就覺得雙頰紅腫，面部痛楚不堪，於是就問老婆尋晚發生咩事。老婆就話：「係我打嘅！」肥明就話：「我飲醉酒都唔使打成我咁o架！」老婆怒氣沖沖咁話：「你尋晚返到屋企，突然除咗我條底褲，仲伸個頭去我大腿之間係咁索，然後又用手摸來摸去！最後，你大叫話『臭鼬鼠，畀斧頭劈死嘅！』我摑你幾巴咪算小兒科囉！」