米瀾選美入行圓模夢

內地模界幾乎每隔兩、三個月就會有新人湧現，競爭非常激烈，要喺芸芸對手之中突圍而出，的確唔係一件容易嘅事，樣貌及身材都只屬基本條件，最重要係有比賽經驗，以及拎番幾個頭銜，好似呢次嘅主角米瀾就係其中一個好例子。

奪冠成名

現年22歲嘅米瀾，原名陳藝蓉，出生於福建泉州，於中國人民大學畢業後，就去咗英國Brunel University深造，期間得到朋友推薦參加英國華裔小姐大賽，除獲得最上鏡小姐獎項外，更勇奪冠軍。

米瀾由一個平凡女仔，搖身一變成為眾人焦點，佢自己亦坦言感到非常意外。之不過佢並未滿足，同年佢再度出擊，參加歐洲華裔小姐大賽，再次奪得最上鏡小姐、最高貴氣質及全場亞軍共三個大獎，實力可見一斑。

成名後，內地唔少電視台邀請佢加盟，之不過米瀾反而選擇喺模界發展，事關佢向來醉心於模特兒工作，每當佢睇見其他模特兒於天橋上行「貓步」時，內心就會產生強烈嘅感覺，好希望成為台上一分子。如今佢終於如願以償，真係戥佢開心。

米瀾Profile

原名：陳藝蓉

年齡：22歲

身高：5呎8吋

三圍：33D-23-35