頭髮遮面 思想混亂
頭髮遮面 思想混亂
有啲囡囡好喜歡用頭髮遮住自己大半邊面，外表睇落去好似好有型咁，但原來好影響運程，經常頭髮遮面嘅囡囡，性格會十分陰沉，思想會好混亂，佢哋好喜歡想東想西，乜都想得一大餐，但從來都諗唔到結果出來，白白浪費時間！
由於成日胡思亂想，所以佢哋精神好難集中，老闆交帶嘅工作，冇乜幾何會自己搞得掂，所以工作運認真一般，財運更加失敗，啲錢會無緣無故散晒，好彩人緣都唔錯，如果拍到好朋友一齊共事，就會冇咁黑仔，感情運亦一樣，會吸引好多人嚟追求。
至於佢哋嘅床上表現，亦都唔好得去邊，明明呢分鐘情到濃時好想做，但可以喺下一分鐘諗咗其他嘢，完全唔知自己做緊乜，所以做佢哋男伴真係幾冇癮，女友如果真係咁，就記住要佢哋改改個髮型喇！