08/10/2010

播放本新聞相關短片

金美辛一味靠托

近年不論本地或中、台o靚模都紛紛靠「露」出位,無分場合只要拋出一對大咪咪,例必博到報章上大小版面,乘機吸引「客戶」注意,廣告、代言機會接踵而至。可惜唔係個個女仔都得到上天眷顧,擁有驕人嘅天賦本錢,唔想嘥錢隆胸,靠托都一樣有效果,來自黑龍江嘅金美辛,就係其中一位托胸達人喇!

谷胸影相

現年只得21歲嘅金美辛,擁有朝鮮族血統,早年於北京電影學院畢業後,隨即加入模界發展,於網絡上有「新一代車模小天后」嘅美譽。樣靚身材正嘅金美辛,曾為多本時尚雜誌拍攝寫真,當中唔少都衣着性感,令人噴血。

不過金美辛並非肉感身形,反而高挑纖瘦,但上圍卻唔及其他「乳」模咁有睇頭,為營造澎湃效果,於拍攝時佢就會着上具有特別承托功能嘅內衣,令胸部更集中、更堅挺;就算着上比堅尼亦有辦法可以谷出完美胸形,所以話只要識托胸,荷包蛋都可以變導彈。

金美辛Profile

年齡:21歲

身高:175cm

三圍:33-23-33

娟娟