妙齡少女美娜同瑪姬兩個人都住喺同一幢大廈，由於佢哋感情要好，所以閒時一齊參加興趣班。今晚，二人如常上課，然而因為補課，放學嘅時候已經深夜。雖然回家途中要行過一條又長又燈光昏暗嘅街道，但係有人作伴總冇咁驚。
行到半路，美娜突然喺瑪姬耳邊講：「你有冇發覺後面有個男人跟咗我哋好耐呀？」瑪姬細細聲回應：「有呀！我諗佢一定想打我哋主意，不如我哋分開走啦！起碼唔會兩個人都遇害嘛！」二人於分岔路分頭走。當美娜成功返到大廈門口嘅時候，等咗十分鐘，終於見到瑪姬衣衫不整咁飛奔返嚟，美娜即刻問：「你真係畀佢捉住咗？」瑪姬話：「係呀！為咗令佢唔好撕爛我件衫，我仲自動解開衫鈕，之後拉起條裙，而佢就跟住將條褲拉低囉！」美娜驚問：「跟住佢就侵犯咗你？」瑪姬就話：「你都傻嘅！一個拉低咗條褲嘅男人，又點夠一個拉起咗條裙嘅女人跑得快呢，於是我咪即刻加快腳步跑返嚟囉，唔通仲企定定等佢搞我咩！」