為博取人氣，有啲o靚模無論去到邊度、出席任何場合都總愛以性感衣着示人。雖然露肉確實可以吸引觀眾目光，之不過睇得多難免失去新鮮感，如果好似內地Model楊蕾咁，識得因應場合而決定衣飾，咪叫做露得精明囉！
冠軍人馬
來自北京嘅楊蕾，相貌清秀可人，身材平均，加上一對長腿，令佢成為內地最具人氣嘅模特兒之一。佢曾於2005年參加中國世界最佳模特兒大賽，於比賽中憑着極佳嘅表現而勇奪冠軍，其後佢再參加第33屆國際比堅尼小姐大賽，不但贏得中國總冠軍，更於全球總決賽奪得亞軍佳績，實力超班。
贏得多項大賽之後，楊蕾主力喺模界發展，除咗頻頻參與時裝表演之外，更不時拍廣告，依家更開始轉戰電視圈拍劇，似在為勇闖娛樂圈而鋪路。
Deep V騷胸
雖然楊蕾擁有一副極品身材，但佢就唔會隨便露肉，反而會因應場合，決定是否騷Quali。好似早前喺一個比堅尼小姐選美比賽嘅發布會上，楊蕾就着上Deep V豹紋短裙示人，開胸設計令佢露出半邊美乳，拍埋一眾衣着相對密實嘅佳麗身邊，即刻成為全場焦點，引來唔少記者舉機拍照，呢啲咪叫露得精明囉！