最近身邊唔少蒲友都愛上去樓上吧玩，事關有不少性感拳手陪客人猜枚之餘，仲可以有下文添！據蒲友表示，呢類樓上吧係無牌經營，活躍於油尖旺區，只招待會員。而嗰日蒲友帶我入場見識一下，就我現場所見，間酒吧佔地一千平方呎唔夠，但足足坐咗六、七十個客人，基本上逼到背脊頂背脊，大髀撞大髀，喺咁嘅情況下，客人飲大兩杯後想唔發生衝突就奇！但蒲友表示偏偏享受呢種擠迫感：「呢度啲拳手個個都着背心熱褲，唔坐逼啲點抽水呀？」的確，我見到啲客人猛向拳手抽水，或喪(目及)囡囡心口條事業線，難怪每晚都吸引咁多客人嚟幫襯啦！
皮哥簡介
線眼遍布港九新界，有料就去八，有蠱惑收王之稱，人生目標係八盡天下事。
歡迎讀者爆料交流
爆料熱線：3600 6688
傳真：3600 6800
地址：香港大埔工業邨大昌街23號東方報業中心
電郵：happy.sup@org.com.hk