今日中午，突然有一名叫做細明嘅男村民，走到村口一條橋上面，意圖投河自盡。收到消息之後，村長即刻走去阻止。村長急急話：「細明，唔好做傻事呀！有咩事我幫你諗辦法解決啦！落番嚟先啦！」表情十分沮喪嘅細明話：「冇用o架！靠人力係唔可以逃離命運嘅玩弄o架。」
村長諗咗一陣，終於諗到有關熱愛生命嘅台詞嚟相勸：「點都好，每條生命背後都總有佢嘅意義，不如你將心事講出嚟，我哋再商量吓點做啦！」細明就話：「自從結婚之後，我同老婆每晚都砌到天昏地暗，性生活不知幾咁愉快，不過兩年前我最好嘅朋友同我老婆搭上，自此，老婆就愛上對方嘅大肉腸，最後仲同佢私奔。我諗佢哋每晚實係過住好激烈嘅性生活啫！」
村長話：「都過咗咁耐，算啦！你老婆咁淫蕩，你朋友遲早畀佢榨到變人乾，你應該慶幸自己甩難先係，做乜要自盡咁儍呢？」細明依然愁眉不展咁話：「問題係我朋友尋晚打電話嚟，話好快會將我老婆歸還，呢鋪仲唔大鑊到要自盡咩！」