本文重點
內地模界競爭激烈，好多o靚模入行捱唔夠一、兩年就銷聲匿迹，能夠喺行內生存嘅女仔，質素當然唔會差得去邊，好似呢次介紹嘅姚惠蘭（丹丹），不但個樣夠索，副偈仲Fit到漏油，最重要係識得將C奶魅力發揮得淋漓盡致，梗係撈得掂啦！
撈過界 發展佳
來自重慶嘅丹丹，早於2003年已參加當地一個平面模特兒大賽，並殺入最後十強，自此之後，就開始咗佢嘅模特兒生涯。一直以嚟，丹丹都活躍於內地模界，並取得唔錯嘅成績。入行初期，丹丹主力參與雜誌及電視嘅拍攝工作，後嚟又走去拍戲、唱歌，演出經驗相當豐富。
丹丹最吸引之處，除咗其標致可人嘅五官之外，佢嘅工作表現亦值得一讚，事關佢每次演出都會以性感打扮示人，好似早前為一個時尚網站拍宣傳照時，就着上一套喱士邊嘅性感內衣，盡騷美好身材，一對C奶更係呼之欲出，配合純情四眼妹Look，簡直令人噴血。
老實講，丹丹樣靚之餘，又唔介意騷身材，觀眾鍾意佢，真係一啲都唔出奇，要喺呢行生存，觀眾緣真係好重要o架！
姚惠蘭Profile
暱稱：丹丹
英文名：Donna
出生日期：1月11日
身高：165cm
三圍：33C-23-34