內地模界有唔少好波之人，呢次介紹嘅依力亦係其中一分子。呢位索女擁有一副魔鬼身材，上圍達34D，其性感靚相早已喺內地網絡廣泛流傳。向來低調嘅佢，近期一改作風，頻頻谷胸展實力，似乎要向其他行家下戰書。
經驗豐富
來自北京嘅依力，現年只得22歲，擁有一張標致面孔，加上豐滿上圍，出道冇耐已經備受業界注意。曾於早年被一個攝影網評選為2007-2008年度北京區最受歡迎模特兒。
雖然依力年紀輕輕，但已經擁有非常豐富嘅演出經驗，曾經為20多本雜誌拍攝寫真，仲有不同類型嘅電視及平面廣告，以及為購物網站擔任內衣模特兒；至於博覽會、時裝騷等大型活動亦常見其蹤影。
收復失地
其實依力平日比較低調，甚少喺網絡透露自己嘅私生活，與部分愛出位嘅o靚模相比，確實有好大分別。不過，冇新聞，曝光率自然相對較低，令佢漸漸被人遺忘，為咗搶人氣，佢呢期就經常谷胸演出，令原本已經夠吸引嘅D奶誘惑當堂升級，同時網絡上亦增加咗唔少佢嘅靚相，依力咁好條件，要收復失地唔難吖！
依力 Profile
年齡：22歲
身高：5呎7吋
三圍：34D-24-35