頸粗而結實嘅男人，我哋講過佢哋運程唔錯，但如果頸粗得嚟全是肥肉，摸落去軟腍腍，一啲彈性都冇，呢種人就比較自私自利，生性懶惰，好逸惡勞，喜歡不勞而獲，唯一優點就係口才了得，樹上嘅雀仔都可以畀佢氹落嚟。
而且有呢種頸嘅朋友，身材都會較肥而且生得矮小，佢哋大多數都係理想主義者，而且好高騖遠，眼高手低，做事難有大作為，但人緣較好，有好多朋友喜歡幫佢，如果眼顴相配，事業會因遇貴人而成功，但要小心身體，健康會好差。
感情方面，桃花運一生都不俗，無論同性定異性，經常都會有一堆人圍喺身邊，伴侶要佢用情專一，只會事與願違，反而放手不理，佢哋玩攰咗自動會識返屋企。另外，佢哋床上表現差，只求自己開心，不理會伴侶反應，匆匆了事之後，必定會抱頭大睡，毫無情趣可言。