聲援「藍水桶抗議者」

小弟我冇用錯字，「藍乳」唔係煮齋用嗰隻，而係藍色乳房咁解！喺剛過去嘅5月27日，近年最有噱頭、最具話題性嘅女權組織FEMEN，去到俄羅斯駐烏克蘭大使館門外抗議。

一班FEMEN嘅女成員個個都赤裸上身，仲用藍色油彩於雙乳上繪畫水桶圖案，以示支持俄羅斯一個名為「藍水桶抗議者」嘅組織。事緣，較早之前，俄羅斯通過法例，禁止車輛使用藍色車頭燈，話藍色車頭燈容易引起交通意外喎！此舉引起「藍水桶抗議者」抗議，源於佢哋認為藍光代表人人平等咁話。最後，部分抗議人士被俄羅斯當局拘捕，因此FEMEN嘅成員就出動藍乳以示支持囉！