相書話鼻哥要長直挺先叫好，特別係女士，如果鼻生得太短就認真唔掂。要量度是否鼻短，可以自己嘅食、中、無名三指合埋，打橫放喺鼻樑骨嘅位置，如果覆蓋到鼻頭就係適中，鼻頭凸出就係太長，如果有虛位嘅話就係太短。
如果女性鼻短，想過好日子，就唔使旨意靠老公，只能靠自己。因為鼻樑短窄嘅女性，享唔到夫福，就算老公有權有勢又有錢，都一樣要自食其力，所以以前揀二奶一定要鼻短。
雖然鼻短享唔到夫福，但佢哋用情比較專一，婚姻同家庭觀念極重。不過性生活就認真麻麻，好少經歷高潮，但晚年仔女會孝順，不至於孤獨終老，無依無靠。
達達
