本文重點
廣東韶關有間夜總會，喺幾個月前，請咗一批女大學生駐場，結果大受客人歡迎，於是場方就乘機加價，將原本嘅二五八收費，調高¥100，即係要畀三六九嘅價錢。而最近夜總會請咗一批目不識丁嘅囡囡，但竟然同大學生囡囡收同一價錢，究竟佢哋有乜嘢咁巴閉呢？
拗腰飲酒
原來呢批囡囡本身係馬戲團嘅雜技員，由於馬戲團突然解散，於是佢哋就南下搵食，諗住喺夜總會表演，但人工只得雞碎咁多，一日¥30收入都冇，卻見啲囡囡輕輕鬆鬆咁陪客人坐一晚就收兩、三舊水，於是佢哋把心一橫，決定下海做三陪小姐。
呢批囡囡個個得十八廿二，樣貌身材唔差，而且佢哋見慣大場面，對住客人唔會怯場，更會表演軟骨功拗腰飲啤酒搞氣氛，令客人嘆為觀止。
仲有，佢哋接受過嚴格訓練，床技特別驚人，於是一個月唔夠成為夜總會嘅紅牌小姐，大受客人歡迎，而場方亦乘機將囡囡身價調高，搞到同大學生囡囡同價。啲大學生囡囡話佢哋目不識丁，都同工同酬，慨嘆讀咁多書為乜。其實行行出狀元，只要努力，天生我才必有用嘅！
文：達達