勁言同美華係一對網友，兩人相識幾年後便相約出嚟見面，點知一見鍾情，更閃電結婚。兩人去辦註冊手續嘅途中，美華問勁言：「我哋咁急結婚，都未了解清楚對方，你將來會唔會後悔o架？」勁言用深情嘅眼神望住美華話：「我唔會後悔，因為喺我生命中，你係唯一一個畀到戀愛感覺我嘅女人！」美華勁冧咁話：「既然我哋就快成為夫妻，好應該向對方坦白，係咪？」
勁言點一點頭後，美華就話：「咁我先同你坦白啦！其實我個胸好似飛機場咁，以前啲男友見到後就飛咗我，唔知你會唔會嫌棄我呢？」勁言再用足以電死人嘅深情目光望住美華話：「我唔會介意，因為我愛你！不過我亦有件事要向你坦白，我下面好似小飛象咁，唔知你介唔介意呢？」美華諗咗一諗，就話：「性只係愛嘅一部分，唔會影響我對你嘅愛！」然後兩人便歡天喜地註冊。
當兩人到酒店洞房肉帛相見時，勁言驚覺美華個胸果然係飛機場，但美華卻尖叫道：「勁言你又話下面好似小飛象嘅？」勁言歉然道：「係呀，咪好似小飛象咁大隻囉！」