愈演愈激

究竟Courtney Ford係乜水？佢就係飾演新一代超人Brandon Routh嘅老婆。好多人都話扮演超人嘅演員都好邪門，唔係患病終老，就係意外身亡，Brandon Routh亦似乎難逃衰運，自從○六年演出《超人再起》之後，事業一直走下坡，幾乎冇嘢撈，而Courtney Ford亦只係飾演配角，兩公婆嘅演藝事業都停滯不前，甚至要被迫退出娛樂圈。

不過，Courtney Ford唔甘心，於是決定豁出去，早前喺參演幾齣美國電視連續劇中，佢不但露兩點，更多番作大膽演出，好似有一場戲講述男演員為佢作口舌服務，佢就流露出到達高潮嘅表情，唔講仲以為睇緊四仔。此外，仲有剝光豬玩鴛鴦浴，以及赤裸裸咁為男演員按摩背部等。

眼見老婆愈演愈淫蕩，唔知Brandon Routh有冇詐型呢？之不過睇見老婆事業似有啲起色，應該都唔會有問題，話晒食粥食飯都靠晒老婆嘛！