較早前，內地官方認為東莞一帶黃色事業猖獗，桑拿、夜總會、髮廊開到成行成市，所以有心厲行掃黃，令東莞重現和平。不過講到猖獗，其實內地仲有好多地方一樣明目張膽大搞黃色事業，河北野三坡就係其中之一！
滿目春光
河北野三坡有一個國家地質公園，臨近北京，附近又有鐵路配套，所以野三坡成為唔少內地人短線旅遊嘅熱點。不過，去到野三坡唔單止可以欣賞到當地嘅風光如畫，仲可以見識到當地嘅誘人春光添！因為一落車就已經有洗浴中心老闆走出嚟拉客，而且企滿晒三陪女拉住單身男人隻手，表示可以陪玩、陪飲兼陪瞓，費用只不過係三百蚊人仔一日，最抵死仲係班三陪女拉客嘅地方就對正派出所門口！
同流合污
有三陪女更表示：「連對面派出所的人晚上都讓我們去陪，你還怕甚麼！」當然，派出所人員例必否認，但事實是否有同流合污就冇人知。不過照情況嚟睇，派出所人員應該冇嚴厲取締佢哋，否則班三陪女又邊有咁大膽呢！