每個人都有夢想，雖然未必可以百分百成真，但只要肯付出努力，總有如願嘅機會。好似俄羅斯女拳王Natalia Rogozina咁，一直喺擂台上跟對手拚個你死我活，終於成為世界冠軍，更藉着喺拳壇嘅名氣，受到成人雜誌青睞，邀請佢拍攝一輯半裸寫真。
半裸上陣
能夠成為世界冠軍，自然名利雙收，咁點解Natalia仲要走去拍半裸寫真博出位呢？唔通佢唔怕影響形象咩？原來Natalia並非一開始就想喺拳壇發展，佢自細嘅夢想係當模特兒，喺讀書嗰陣，佢曾經向模特兒公司自薦，可惜最後冇被取錄。後來，佢跟朋友到體育場，首次接觸拳擊運動，更一打上癮，從此踏上拳擊生涯。
早前Natalia就接受一本成人雜誌嘅邀請，拍攝一輯性感寫真，從相片可以見到，Natalia脫下拳套，以半裸示人，再配合充滿野性味道嘅動作，確實非常吸引。Natalia表示，佢拍寫真唔係為咗博出位，而係一嘗夙願，終於感受到當模特兒嘅滋味。
另外，佢話本身係一個好貪靚嘅人，除咗練拳之外，閒時最鍾意行街買衫兼扮靚。
Natalia Rogozina's Profile
年齡：33歲
興趣：扮靚
出賽次數：21戰全勝
KO對手次數：12次