早幾日我皮哥上去夜總會搵老闆超哥吹水，發現場內好熱鬧，全場都係囡囡，而且個個青春無敵，而客人約有三十人左右，由於係細場關係，所以都有逼到爆嘅感覺。我問超哥點解咁好環境，佢話：「由於卡啦OK同酒吧都爆滿晒客人，啲囡囡冇地方玩，於是索性叫啲朋友上嚟玩，乘機做吓生意，所以咪有咁多囡囡囉！」原來係咁，既然有咁多選擇，我都唔執輸揀番個囡囡吹吓水先，結果揀咗個日頭係賣化妝品嘅靚女，問佢點解夜晚嚟夜總會兼職，佢就話：「家陣搵食艱難，唔出嚟兼職根本就唔夠錢使，加上我又鍾意飲酒猜枚，所以喺呢度做有錢搵，又可以寓工作於娛樂，唔錯吖！」唉！真係唔知家陣啲女仔點諗囉！
皮哥簡介
線眼遍布港九新界，有料就去八，有蠱惑收料王之稱，人生目標係八盡天下事。
歡迎讀者爆料交流
爆料熱線：3600 6688
傳真：3600 6800
地址：香港大埔工業邨大昌街23號東方報業中心
電郵：happy.sup@org.com.hk