早前興沖沖的要拍個聖誕特輯甚麼的噱頭東西，不久卻突然收到電話：「氣氛有點緊張，要抽起，唔出得住。」說話的人是福田區某邪骨場的經理，他專責安排「採訪」的工作，有風冇風，他一向快而準。「都唔知想點，近一年，幾乎每一、兩個星期就嚟一次行動，根本連正正經經做生意都難。」他口說的生意，當然沒有可能正經，他的意思只是說：生意難做就是了。當下，他簡直怨天怨地：「夜場靜，你估連帶冇其他影響o架？跟住咪食肆拍烏蠅、冇人坐的士囉，一定係咁o架啦。」
他也怨那些太張揚、太高調的行家：「簡直係踩線，你做埋莞式，指壓嗰啲咩九十分鐘任砌就算，仲要寫埋出嚟A、B、C餐包乜包物，係咪傻o架？以為攞正牌呀？咁你咪累埋街坊囉。」
累街坊，是真有其事的，當大圍愈玩愈過火，你做場，一係跟住做，不跟？其他人也以為你有，結果，自然一竹篙打晒一船人了。這陣子整個廣東省夜生活之所以如此緊張，愈來愈「離譜」肯定是原因之一，由東莞的亂發招客SMS，到深圳明目張膽大賣任砌服務的宣傳，以前，哪會是這樣？