話說本月二日，蘭州有關單位，對區內娛樂場所進行例行巡查，巡至一間叫做「流×雨」嘅酒吧時，發現裏面原來係掛羊頭買狗肉嘅色情場所，表面係間酒吧，實際就係本欄早前介紹過嘅「摸摸吧」。

全情投入

話說有關單位大隊人馬操上酒吧，裏面伸手不見五指，例必要負責人開燈，當燈光一着，絕大多數人都衣衫不整，有一對更席地開戰中。但佢哋都唔係主角，當所有客人都踎晒喺地嘅時候，竟然仲有一對喺度忘情地猛打茄輪。

最後公安走至兩人身邊，佢哋都仲未發覺，到全場大笑時，兩人張開眼至發現公安，今次即場斷正，想抵賴都唔得啦！