大中華地區近年經濟起飛，好多商家都對呢個市場虎視眈眈，與珠海只一「閘」之隔嘅澳門，亦成為商家必爭之地！早前，亞洲成人博覽就吸引咗好多日本以及歐美情趣玩具廠商到來展銷產品，仲請咗好多知名日本女優到場促銷！不過，同一時間，一班港產索女亦不甘示弱專程踩場，實行要同AV女優爭一日之長短！
亞洲成人博覽較早前已經於本月四至六日順利舉行，由於主辦單位早已大事宣傳會有多名AV女優到場助陣，小弟當然唔會放過機會，為大家直擊當日嘅盛況啦！
女優促銷
是次博覽，展出好多極具特色嘅情趣用品，當中仲有一款價值約一萬美元嘅金震棒及金震蛋！此外，亦唔少得大量好睇又好使嘅新款吹氣公仔！而不少日本廠商，更專程請嚟知名AV女優撐場。例如日本AV大廠SOD，就出動旗下女優中嘅一姐、擁有35F上圍嘅範田紗紗，仲有號稱本年度最強新人嘅周防雪子，以及一代癡女天后乃亞到場，搞到現場嘅龍友們個個都歡喜「雀」躍！
眼見SOD出動咁多女優，另一間知名情趣用品生產商EXE亦唔輸蝕，請來可愛嘅潮吹教主晶艾莉（原名大澤佑香）助陣，仲帶埋新人正統派美女森下久留美嚟推銷一系列女優真人倒模自慰器，現場嘅氣氛就係畀佢哋搞到慶晒！
拋胸搶鏡
日本AV女優索絕亞洲，成為我哋亞洲男兒嘅閨中寵兒，令會場內眾多熱血男兒湧住攝位影相。點知影影吓相，突然有人群聚集，究竟係乜嘢咁吸引佢哋呢？原來係一班青春可人兼性感嘅港產o靚模！
呢班o靚模全部都係本港一間收費電視嘅成人台主持，為咗突出自己，佢哋個個都精心打扮，又扮護士、又扮女僕，一睇就知有備而嚟踩場，實行惡鬥一班AV女優啦！事實上，呢班o靚模除咗夠後生又夠索之外，仲非常專業兼落力，一見到鏡頭，就自動自覺擺甫士，俯身露溝，比日本AV女優更加唔錫身，性感程度贏足成條街，呢鋪總算為港爭光！