01/12/2009

播放本新聞相關短片

o靚模內衣騷色誘蒲友

本文重點
雖然仲有一個月先到聖誕節,但唔少夜店已經開始大搞活動,希望催谷人氣,好似早前喺尖沙咀就有酒吧搞咗個內衣騷,幾位性感o靚模身穿性感內衣行Catwalk,仲同大家玩遊戲添!

性感登場

呢個內衣騷於一間上樓酒吧「Nirvana」內舉行,唔少蒲友一早到場霸定靚位,希望喺最佳位置欣賞呢班性感索女嘅演出。據知,幾位美少女Vanisa、Natalie、Suki都係新進o靚模,樣貌標致可人,身材勻稱。開騷之前,小記訪問過幾位美少女,佢哋話呢次嚟到酒吧出騷,係希望吸收多啲實戰經驗。問到要穿着內衣演出會否感到尷尬時,Vanisa就話:「最初都有啲唔習慣,擔心表現唔好,但到咗正式演出時,見大家都咁欣賞,自信心即時返晒嚟!」而Suki就話:「我最擔心走光,所以喺出騷之前都會做足防禦措施,好似喺Bra邊貼膠紙等,以免春光乍洩。」

齊玩遊戲

於活動中,幾位o靚模除咗行Catwalk之外,佢哋仲邀請現場觀眾一齊玩遊戲,好似鬥腳長、鬥快飲奶等,勝出者可獲得知名品牌嘅威士忌一支,認真開心。到活動尾聲時,主辦單位更邀請所有觀眾一齊選出當晚表現最好嘅o靚模,結果由笑容甜美嘅Vanisa獲得。

文/攝:娟娟