30秒客串彈起

呢位索女早前喺電影《非誠勿擾》中客串一角，雖然亮相不到三十秒，但因為身材惹火隨即一炮而紅，一夜間成為影壇嘅超級新人。飾演爆乳女秘書嘅鞏新亮，戴上黑框眼鏡，着起白色恤衫，美好身材呼之欲出，迷人深溝清晰可見，加上勾魂電眼，難怪可以輕易引起眾人注目。

作為內地一間具實力傳媒公司嘅力捧新人，鞏新亮甫出道就被打造成「性感才女」，但係人紅是非多，早前就有網友爆料，批評官方公布鞏新亮嘅學歷與事實不符。一位自稱係鞏新亮舊同學嘅網友爆料，呢位索女喺學歷一欄填寫「清華國際投資與資本營運總裁班」，被網友質疑呢個只係課程名稱，並非正式學歷。

事實上，鞏新亮亦坦誠自己喺蘭州讀幼師中專，但畢業後隻身去咗北京發展，最終喺母親介紹下進入一家房地產公司工作，期間認識咗唱片公司老闆，更被對方賞識，從而踏上演藝道路。老實講，鞏新亮有樣有身材，加上能歌善舞，要上位確實唔係難事。

鞏新亮Profile

出生日期：1987年10月11日

三圍：34-22-33

身高：5呎5吋

血型：O型

職業：歌手、演員