今年因為有閏月，根據傳統適宜嫁娶，相信好多朋友今年都收到好多喜帖，要大破慳囊喇！參加喜宴除咗飲飽食醉外，開席前一般都會例牌播吓新郎新娘嘅恩愛照片，跟住由兩位新人講一大輪感恩說話，然後再例牌玩吓新郎哥以及其兄弟，實在相當公式化，甚至令人覺得悶！
如果可以好似塞爾維亞呢對新人咁，請嚟一班舞孃喺喜宴之中大跳脫衣舞就好喇！較早前，一對塞爾維亞新人，為咗打破傳統，於是請咗一班脫衣舞孃做姊妹，喜宴開始之後，仲走上長餐桌跳脫衣舞娛賓，就連新娘子自己都受到熱鬧嘅氣氛感染跳埋一份添！不過，最爽嗰個應該係新郎哥，有咁多舞孃任佢攬住影相，開心到差啲連老婆都唔記得呀！
Max