想入非非

據了解，內衣足球於早年已經出現，一直都係以友誼賽咁玩，娛樂觀眾而已。如今成立「內衣足球聯盟」，意味一個女子職業美式足球聯賽嘅誕生，雖然家吓佢哋比賽仍然係表演性質，目前暫定只表演一場，就係喺一年一度嘅美式足球「超級盃」中場休息嘅時候，但喺不久將來，大家將會可以欣賞到呢班索女嘅精彩比賽。

據知，內衣足球聯盟會有十支球隊參賽，不但索女夠養眼，就連球隊嘅名字亦令人想入非非，例如「達拉斯慾望隊」（Dallas Desire）、「聖地牙哥誘惑隊」（San Diego Seduction）等，有興趣了解更多嘅朋友，不妨到LFT嘅官網www.lflus.com瀏覽。