透視古裝

網上消息話阿妹叫金雨，芳齡廿二，當日阿妹架上墨鏡，身穿粉紅色透視古裝，露出一對肉腿，不時搔首弄姿，旁邊仲坐住個丫鬟，手拎一個大繡球，地上放上一副對聯，左寫：身家六百萬以上；右寫：年齡五十歲以下。中間寫：釣情郎。更附有手機號碼，招親怪行吸引大批市民圍觀！

內地記者懷疑兩件事係同一幕後策劃，但真假都好，內地網民就臭罵金雨貪錢貪上腦、不知廉恥，事關沒有愛情，何來情郎？應該係「釣金龜」至真。

不過睇吓阿妹開出嚟嘅條件，合資格者對佢亦未必有興趣，不如踏實啲做人咪仲好！