想當年《美少女戰士》紅極一時，令唔少女仔都自稱為「Sailor Moon」。然而，呢班女Fans可能段估唔到《美少女戰士》嘅漫畫作品竟淪為色情同人作，即係將美少女戰士變為色情漫畫，將美少女戰士描寫得相當慘情，每次出動都要用性愛招數，搞到班邪魔外道精盡人亡，方可換來慘勝！唔知係咪因為呢種反英雄主義得到日本男性認同，所以近期日本就出現一間美女戰士風俗店，令客人有機會可以征服原本威風八面嘅美女戰士！

扮相專業

其實，日本玩Cosplay嘅風俗店唔少，但係好似佢咁有信心，獨沽一味玩美少女戰士扮相嘅風俗店就只此一間。據聞，老闆之所以咁做，其實係為咗滿足年約三十至四十歲嘅男人需要。因為呢個年齡層嘅男士大部分嘅經濟能力都唔低，可以好隨意咁幫襯風俗店，但佢哋一般對新鮮嘅動畫作品都唔太熟悉，所以好多Cosplay風俗孃冇辦法令佢哋玩得投入。

相反，當年人氣十足嘅美少女戰士就一定可以勾起其記憶！然而，呢間風俗店嘅風俗孃都相當有質素，單係佢哋嘅扮相已經相當講究，有齊水手服、手套同長襪，同真嘅美少女戰士簡直係一模一樣！

慘被征服

美少女戰士雖然只係一介女流，但係憑住神奇力量嘅幫助，任何邪魔都唔係佢哋手腳，所以每戰必勝！對於極注重男士尊嚴嘅日本男人嚟講，可能對呢班女仔會睇唔過眼，所以美女戰士風俗店就食正呢條水！

幫襯風俗店嘅時候，風俗孃會扮作美少女戰士出場，仲會經常做出美少女戰士嘅招牌動作，亦會大叫：「我係Sailor Moon，你哋班壞蛋接招啦！」然後，風俗孃就會作狀以粉拳及玉腿輕打客人幾下！

玩得投入嘅客人可以作出反應，繼而反客為主，以輕輕嘅拳頭反擊。呢個時候，風俗孃就會話：「我認輸喇。你想點就點啦！」好明顯，客人可以盡情放肆，剝其光豬，然後再征服風俗孃，一顯男士嘅雄風！至於收費方面，服務三十分鐘就要六千日圓，即係差不多五百幾蚊港紙，又幾抵玩喎！