其實喺面相學嚟講，無論男女，印堂位置生出美人啄，都唔係咁好，特別係少年時期，古書話：「金雞啄印堂，少年走茫茫」，意思係少年時會讀書不成，中途輟學，運程會十分迷茫，舉步維艱，影響更會由十五歲直至三十歲，都咪話唔嚴重。

但如果你可以堅持到底，努力不懈，一過三十歲後就會轉趨好運，而對女性嚟講，「美人啄」更係貞女之相，揀到心上人之後，就會從一而終，就算老公點唔好，都唔會輕易講離婚，所以話姻緣運好唔好，都要睇另一半嘅面相先知。