阿妹強調自己並非同性戀者，鍾意喺網上扮男人搵女網友剝衫畀自己睇，只係為咗減壓。Cindy解釋：「我平時拍戲已經要剝衫，如果喺網上亦要剝衫，根本就同平日無分別，咁又點減壓呢？」

有滿足感

Cindy嘅解釋可算合理，但其實仲有好多減壓方法，何解阿妹偏愛上網要女網友剝衫，唔選擇男網友剝衫呢？Cindy話：「首先，上網太方便，可以安坐家中全天候咁娛樂。而選擇女網友，係因為對方起初並唔知道我係女性身份，所以我可以保持神秘，要求對方喺鏡頭前剝光豬，甚至擺出挑逗性嘅姿勢，直至最後當我公開身份，對方就會好愕然，而呢個時候，我就會好有滿足感，又呃到一個女仔。至於，唔揀男網友，係因為平日拍戲已見慣男優剝衫，所以再睇男網友剝衫嘅興趣唔大。」

有助事業

Cindy更表示，玩裸聊非常好玩，因為可以見識到世界不同國籍女性嘅剝衫技巧，對自己事業都有幫助喎！佢解釋：「男人或者冇留意，其實不同國籍嘅女人剝衫方法都有分別，例如美國妹多數係三扒兩撥就剝清光，將衫褲拋落地下，而日本妹就非常含蓄，會將內衣褲慢慢摺好，再放喺床邊，非常好手尾。對於我嚟講，亦可以從中偷師，方便喺拍戲時運用去挑逗男優同觀眾。」真係唔講唔知，原來剝衫都咁有技巧，咁我都要多啲裸聊至得嘞！

Cindy Hope's Profile

年齡：23歲

三圍：34C-22-34

身高：5呎6吋