墮入陷阱

經常北上尋歡嘅嫖友A，上星期就因為做好心，結果中招，佢話：「嗰日去水圍，喺羅湖口岸坐大巴，當時貪方便上落，坐喺車門旁邊嘅座位，無幾耐有兩個外省人上車，一個坐喺我隔籬，另一個就企近車門，好似一個『L』形圍住我。點知行駛途中，企近車門嗰位外省人跌咗個銀包落地，我好心幫佢執番，咁咪賴嘢囉！」原來，當嫖友A幫對方執銀包時，坐喺佢隔籬嘅外省人趁機(界刂)開佢個袋，偷走銀包。

嚇到面青

而另一位港人K嘅遭遇更驚險，話說嗰日K同女友去深圳東門行街，突然佢感到屁股畀人用硬物篤咗一下，擰轉頭一望，發現有個男子用螺絲批篤穿佢嘅褲袋欲偷取銀包，當佢想大叫時，突然有另一個男子走埋嚟用螺絲批篤住女友嘅腹部，當堂嚇到K面青，好彩對方最後無傷害佢哋就走咗，否則後果不堪設想。而好明顯，呢兩個男子專用螺絲批「搵食」，趁遊客行街購物嘅時候落手。所以家陣無論北上尋歡抑或Shopping，總之都要小心啲，喺人多嘅地方都係行快兩步穩陣。