27/10/2009

播放本新聞相關短片

奇聞趣事:戲水教練 滿足性幻想

喺美國三藩市有一間泳會為吸引更多人學習游水,於是請嚟專業教練開班教授,可惜慘敗收場,事關時下嘅年輕人同麻甩佬都只顧上鹹網同打機,要佢哋郁動,除非喺床上活動啦!結果泳會要賣盤收場,而接軌嘅正喺一班熱愛運動嘅索女,為咗快速回本,佢哋諗咗條絕世好橋,就係充當女教練身體力行教游水。佢哋全程穿着性感比堅尼,波濤胸湧,落水時仲少不免同學員有身體接觸,班麻甩仔同麻甩佬又點會唔興奮先?

但大家咪以為呢個係色情游泳會,皆因泳會講明,入得嚟學游水嘅學員,不論男女都要學識畢業至准離開,所以學員偷懶,教練一樣照炳o架!之不過有學員就認為,一個月少少學費就可以同索爆女教練有身體接觸,滿足性幻想,畀人炳都冇所謂啦!的確又講得啱喎!

學  費:100美元/六堂

注意事項:學員可跟教練有合理身體接觸,但假若被發現立心不良抽水,泳會有權踢學員出會,學費絕不退回。