喜歡自駕遊嘅朋友，通常一到周末晚就會出車，去郊區或農村玩。嗰啲比較不覊嘅「自駕滾友」，初時都係同太太或女友一齊去，但車程來回需時，女士又點捱得住，佢哋見男友、老公通常都係去啲窮鄉僻壤睇吓風景，於是就放心唔再跟住去。

情婦相陪

試問身邊冇女人睇住，男人又點會唔作怪吖。表面上佢哋係幾個男人分幾部車出發，實質喺同一時間，另一部載住「俏伴遊」嘅車，會喺班太太團送別後先從後趕上。

呢班自駕滾友一般會去郊外嘅農村過夜，因為撞到熟人機會較少，而過夜嘅地方亦係由村屋改建而成嘅民宿，一來夠隱蔽，二來價錢平又夠晒風味。呢啲伴遊可能係滾友自己嘅情婦，夜場小姐，又或者係情婦或相熟夜場小姐介紹嘅朋友，貪新鮮嘅朋友就最欣賞呢類伴遊。

寂寞怨婦

而到咗長假期前夕，因為係夜場搵錢嘅黃金時間，要搵小姐陪真係好難。不過，由於佢哋經常都周圍去，所以都知道附近邊啲小鎮有囡囡，冇女嘅話，就會先去呢啲小鎮搵啱囡囡再上路。不過，根據佢哋嘅網上報告所講，原來仲有一個好特別嘅女源，就係鄉村入面嘅寂寞怨婦。

因為呢啲窮鄉僻壤，靠耕種搵唔到食，所以大部分男丁都會選擇出城巿打工，一年都冇幾日喺屋企，唔好聽講句，村內全部都係寂寞怨婦。

極度淫亂

所以呢班自駕滾友早就知道農村裏面，邊間民宿或飯店嘅老闆娘空虛寂寞，最易入手。好似早前十．一長假後，唔少人就喺討論區度發表報告，話遇上好色老闆娘相陪。呢啲農村少婦，相貌通常都唔掂，但做慣勞動，身材結實。由於佢哋冇乜見過世面，所以都聽教聽話，而且一撻即着。因為佢哋長年都獨自過活，遇上有男人送上門慰藉，都會把握機會，有唔少仲好搶韁添！

所以好多有車一族，都紛紛組織自駕遊，趁周末放假出外玩吓，呼吸吓自由嘅空氣，但實質全部都係醉翁之意不在酒，所以太太們認真要提高警覺，辛苦啲都跟埋去！