27/10/2009

播放本新聞相關短片

眉低壓目易不舉

乜嘢男人嘅面相係最怕老婆嘅呢?原來睇吓佢條眉就知道。眉毛濃密嘅朋友,大多數都係鹹濕又怕妻,如果條眉生得低,差啲貼住雙眼嘅,就叫做「眉壓雙目」,呢種人直情係怕老婆嘅人辦。

至於點先叫做條眉生得低呢?原來眼上眶同眉底之間,容不下一指就係屬於眉低壓目,仲要雙眼冇神先至算數。呢種男人一般缺乏自信,唔敢承擔,所以夫妻之間,大小事情全部都由老婆話事。由於男人處於被動,畀老婆指摘嘅機會就會大增,變得終日鬱鬱不得志,生活唔開心,連性生活都可能因情緒低落而受到影響,導致不舉!