19/10/2009

播放本新聞相關短片

奇聞趣事:索爆清潔員

美國喺經歷過金融海嘯洗禮後,好多公司都捱唔住結業,令唔少專做辦公室清潔嘅公司生意大減。為咗吸引顧客幫襯,有清潔公司就專登聘請一班性感靚女做清潔員,以增加生意。

清潔服務通常都喺公司辦公時間後先進行,但因為經濟不景,唔少人為咗保住份工,都會自發性留喺公司開OT,甚至連高層亦唔例外。而呢間清潔公司就專登安排旗下嘅靚女清潔員為呢啲高層嘅Office做清潔,等佢哋開OT之餘都可以目及吓女,醒神吓。

呢班靚女清潔員,唔止樣靚身材正,喺清潔過程中更會用身體不同部位作潔具,譬如「美股」洗枱、巨乳抹櫈,雖然未至於全裸上陣,但嗰種不經意嘅走光,經已引到班麻甩佬暈晒大浪。人客更可以刻意「阻手阻腳」,喺囡囡嘅前後左右工作,盡情喪目及!有咁特別嘅服務提供,續約機會都大啲啦!