最近收到風話呢期內地各大城巿嘅大型夜總會，由於太多客人幫襯，出現小姐嚴重短缺嘅情況，所以惟有重金禮聘新血加盟。然而，為咗收支平衡，於是夜場將囡囡嘅坐枱費大幅提升，家陣玩到「十五二十」。
二千齋坐
大家所認識嘅十五二十，係猜枚嘅一種，但喺一啲大城巿嘅夜場，原來係小姐嘅坐枱費數目。以往大家只聽過二五八同三六九，即係坐枱二百、短敍五百、過夜八百，至於三六九亦如此類推。後嚟有啲大場，搞到齋坐都收五百，有啲更加誇張，開價一千蚊齋坐，真係貴到飛起。
但唔到你唔信，最近有夜場竟然開價到千五蚊嘅坐枱費，但咪以為小姐會陪你坐足成晚，如果期間有其他客人指名要你身邊嘅囡囡陪坐，囡囡就會過枱打招呼，不過，只要畀多五百蚊，即二千蚊，咁囡囡就唔會過枱，成晚專心陪你一個。
助長歪風
由於有千五同兩千蚊之分，於是有嫖友將呢兩個價錢叫做「十五二十」。有心水清嘅朋友幫啲囡囡計數，一個月大約搵四至五萬元，比起香港嘅大型夜總會喺全盛時期，小姐拋埋個身出嚟賣肉至有咁嘅收入，家陣佢哋齋陪坐陪飲就有咁好收入，難怪吸引唔少少女投身行列。
小弟認為呢啲現象實在太唔正常，一來叫價實在太高，二來助長歪風，個個女仔都走去做小姐搵錢，仲使乜讀書呀！希望小姐嘅坐枱價快啲回落正常嘅水平啦！