壓力大、精神緊張等因素會導致失眠，唔講唔知，原來鹹濕亦都係會令人失眠㗎！有外國性學家指出，好色男人個腦無時無刻都掛住接收色情資訊，又因佢哋永遠都唔能夠得到滿足，於是日以繼夜、不眠不休咁不斷上網睇鹹相、鹹片，甚至上網尋找一夜情玩伴等等，總之同鹹濕有關資訊佢哋都要睇晒，仲要連汁都撈埋先肯罷休。

習慣召妓

好色男人精力比一般人更旺盛，追求新鮮感同刺激感嘅精神更係無人能及，所以佢哋最鍾意就係四出尋找性伴侶，至於一夜情就絕對係佢哋嘅家常便飯。萬一搵唔到一夜情對象，又或者玩厭一夜情嘅話，喺潛意識驅使下佢哋會尋求其他方法解決，例如去召妓，每日唔去㩒過鐘仔唔安樂，漸漸變成一個習慣，即使唔係有性需要，但內心依然好想搵個陌生女人陪玩。

假裝內疚

其實多數色情狂都仲保留番啲人性，佢哋經常會為自己嘅鹹濕行為而感到內疚、自責同後悔，自我形象因而非常低落，仲覺得自己被孤立、不為世人所包容。但係佢哋絕對冇諗過改正，有時仲會諗：「你話我鹹濕嘛！咁我鹹得再勁啲畀你睇囉！」惡性循環之下，佢哋愈鹹濕就覺得愈內疚，愈內疚佢哋就更加鹹濕，最終落入無法自拔嘅田地。

姊妹們如果發現隻佬對於自己嘅鹹濕行為有負面感受，但係又冇心改過自新同放棄現有行為，咁就要小心喇！再唔係就飛咗佢啦！