日本以機械人做主題嘅動漫，經典作品多不勝數，結城正美嘅《機動警察》就係其中一部。原來除咗呢部人氣作品外，結城喺九六年時亦曾推出過一部以宇宙女刑警為題材嘅動畫《鐵腕巴迪》，今次所介紹嘅模型就係故事中嘅主角巴迪。
故事講述高中生千川勉喺一次意外中，遇到宇宙刑警巴迪，而當時巴迪因為追捕宇宙罪犯而將佢誤殺。為咗救回千川勉，於是巴迪同千川合二為一，讓佢能夠得以保命外，亦讓巴迪進行保衞地球嘅任務。
作為故事嘅主角，巴迪唔單止身材誘人，而一套宇宙刑警制服更係相當貼身，變身後，將佢誘人嘅身體曲線展現出嚟。模型保留咗原著嘅神髓，身材相當吸引，將女性嘅體態美完全表現出嚟，本模型更附送宇宙生物模型一個，提升可玩性。
全高：230mm
售價：¥8,190（約HK$688）