佢係我早前喺酒吧認識嘅，係大滾友一名，逢女都啱，而且鍾意o趙完鬆，但依然有好多女主動埋身，點解？咪因為佢係有錢仔囉！好似之前就有個Model黐埋去佢度，呢個Model出名靠黐，只要有着數，佢就會黐埋去。老實講，一個淫賤，一個愛黐，兩個真係絕配，當然呢個Model最後梗係畀阿言o趙完鬆啦！不過，呢期阿言比較霉，聽講佢老竇嘅生意受到股市影響，生意少咗七成，咁嘅環境，即時閂水喉實在無可厚非，難道仲每個月畀十幾萬個不屑子使咩！

惡有惡報

雖然老竇閂水喉，之不過阿言依然每晚都落酒吧蒲，呢晚我同幾個老友落吧飲嘢就遇到佢，佢一見到我就即刻坐埋嚟吹水，佢話：「早幾晚我食到件好嘢，佢係個大學生，喺我嘅甜言蜜語攻勢下，就畀我氹咗去爆房，喺床上佢表現得好怕醜，全程任由我擺布，完事後我至知道佢係處女！點知佢要我負責任，我梗係睬佢都傻啦！仲唔o趙完鬆咩！哈哈！」真係聽到我火都嚟，呢個時候，突然有個女仔帶住幾個大漢衝入酒吧，個女仔指住阿言話：「就係呢個衰人呃咗我o架喇！」之後幾個大漢二話不說向阿言拳打腳踢，而我就趁混亂離開酒吧，以免殃及池魚。所以話唔好o趙完鬆，否則肯定冇好下場。（完）