好快又到萬聖節，相信好多男士都準備約女友一齊去各個主題樂園或者萬聖節派對，冀望女友嚇到花容失色，自己就可以充當護花使者博取分數！如果閣下係單身人士，呢個萬聖節亦唔會悶，因為一隻最新推出嘅H-game《斬死刃留》就可以畀大家應吓節！
本故事講述日本古代時期，京都地底出現一個魔都城，入面住咗一名災禍魔神，仲召集咗好多妖魔鬼怪出嚟搞搞震。呢個時候，身為驅魔一族繼承人、能夠召喚白蛇式神嘅美女主角瑞白八重決定聯合正道中人四出消滅呢班鬼怪！而玩家就要控制八重以指令方式同正道中人溝通。
遇到鬼怪嘅時候，要以指令方式揀絕招將佢哋打低，如果反過嚟畀班妖怪打低就慘情喇！因為女主角們將會受到妖怪們蹂躪，對於鍾意睇呢類色情場面嘅朋友嚟講應該幾精彩！而遊戲亦有一個幾抵死嘅地方，就係慘遭蹂躪嘅時候可以選擇享受定係難受，總之因應玩家喜好而定。另外，正道之士當中亦有不少男角色，大家可以控制八重溝佢哋，繼而引發正常嘅交歡場面，同樣有「精彩」畫面欣賞。
文：Max
遊戲名稱：《斬死刃留》
系統支援：Win2000/XP/Vista
預定發售日：10月2日
預定發售價：8,800日圓（約HK$762）