好多靚仔靚女都被封為萬人迷，但小弟就認為冧得到全世界唔同國籍種族嘅人，咁先至稱得上真正嘅萬人迷，好似靚女脫星Sarah Peachez就實至名歸喇！皆因佢啲男朋友唔止多，仲嚟自世界各地乜嘢人種都有，問你服未！
今年二十五歲嘅Sarah Peachez，未入行前，喺成人雜誌當裸體模特兒，由於阿妹外形索爆，拍過幾輯裸照後，唔少四仔導演都搵佢拍戲，就係咁，阿妹踏上脫星生涯，而且一直片約不斷，收入豬籠入水。
分身術會男友
Sarah咁索，自然多人追求，而阿妹亦坦言有好多個男朋友，佢話：「喺高峰期同一時間我有十個投契嘅男朋友，如果計埋唔投契嗰啲，就真係數唔晒！」乜男朋友都有分投契同唔投契o架咩？Sarah 解釋：「所謂投契嘅男朋友，即係我同對方有上過床囉！」
有咁多個男朋友，未知Sarah 點樣同佢哋談情呢？Sarah 就話：「多數係用短訊傳情，有時會傾吓電話，而感情好啲嘅，咪約出嚟見面囉！至於點安排見面時間？好簡單啫，食早餐時約一個男友見面，到之後食午餐又約會另一個男友，跟住Shopping又會搵另一個，問題完全難唔倒我。」
身體語言搭夠
不過，Sarah最巴閉嘅地方，唔係佢啲男朋友夠多，而係男朋友嚟自世界各地，乜嘢人種都有。未知Sarah 點樣同佢哋溝通呢？唔通阿妹識多國語言？佢就話：「一般用英文嚟溝通，再加埋身體語言搭夠囉，何況一男一女喺埋一齊，有時盡在不言中仲浪漫啦！」Sarah咁索，就算佢唔出聲都迷死人啦！所以話Sarah 係萬人迷，絕對係實至名歸！
Sarah Peachez's Profile
年齡：25歲
三圍：33C-23-34
身高：5呎6吋