早在去年時，當地曾見招聘網站以重金招聘「減壓會所」女技師多名，據招聘廣告內容所示，應徵者要係身高一點六五米以上嘅年輕貌美女大學生，廣告推出後成為城中茶餘飯後嘅討論話題，但最後有冇請到女大學生就冇人知，但「減壓會所」呢四個字，就深深印咗喺唔少當地人嘅腦海裏面。

巧立名目

直到今年初，當地好多討論區裏面，均有人談及「減壓會所」嘅服務，最後更有自稱係會所技師嘅囡囡，上網與網友交談，期間仲發放囡囡身穿性感裝束同埋會所實景嘅相片，令網友釋除疑惑，於是唔少青年才俊，透過網上安排，預約減壓服務。

一時間，全巿出現大約七至八間減壓會所，佢哋嘅帖子滿天飛，吸引到當地媒體嘅注意，於是派出記者進行採訪，最後發現驚人秘密。據報道話，記者先喺討論區與技師留言交談，取得對方信任後，便深入談及服務範圍。原來呢啲減壓會所，一般都會有絲足風韻、似水柔情、千手觀音同埋女王調教等服務。

「絲足風韻」係指技師會穿絲襪示人，最後利用雙足令客人釋放；而「似水柔情」就係喺浴室內為客人釋放；「千手觀音」就係多名囡囡一齊用手令客人釋放；至於「女王調教」就係同客人玩SM。

名不副實

記者打聽到服務內容之後，馬上意識到所謂嘅減壓會所，其實係色情販子嘅玩意。為了更深入搜集資料，於是向技師佯稱有意接受服務，而技師查問咗幾句之後，就留低會所地址，並約好上門時間。

記者按地址去到一個高尚住宅區，經保安登記後，才可以上樓造訪，一開門，裏面係一間四房大屋，住咗三個女仔，年約廿多歲，當記者問佢哋係咪大學生時，其中一個竟然話自己小學都未畢業。記者有啲失望，但亦想唔到囡囡咁老實回答，最後當然有問服務內容同價錢啦！

原來所謂替客人釋放壓力，其實就係幫客人手淫，而絲足風韻就係用着上絲襪嘅雙足為客人「足淫」，但技師明言，若客人持久度太厲害，就會用絲襪套喺手上嚟幫客人解決，如果客人喜歡，用完嘅絲襪仲可以送畀客人留念添。

收入可觀

至於女王調教，技師好老實咁話自己唔識，所以冇呢個服務提供，但出面有啲減壓會所，就有專人負責。記者直接問可否同客人發生性行為，但三個囡囡都表示唔可以，就算加錢都唔得。

最後記者入房接受服務，乘機問技師賺到幾多錢，技師話佢哋每次收費四百蚊，自己可以袋四成，其餘歸老闆所有，一日約做十個客左右，一個月計落都搵到七、八千蚊左右，於當地來說，收入算十分可觀。

記者將事件曝光後，有關單位好快行動，將呢間減壓會所搗破，但同樣嘅色情勾當其實禁之不絕。呢啲減壓會所之所以咁吸引，純粹係畀到客人另類選擇，而且幫襯過程神神秘秘咁，適合一啲入世未深嘅年輕人，難怪起機收四百蚊一次，都咁多人幫襯啦！