呢個由Tenga新推出嘅改良版男性自慰器「Flip Hole Black」，外形似十足手機，功能亦相當齊備，正面三個掣係放氣孔，輕輕一按就可將自慰器抽氣，按齊三個，喺全真空狀態下，唔吸爆就假！想再High啲，記得配埋支專業Lotion，咁就冇得頂喇！

售價：人民幣4,641約HK$390）

哈囉喂齊扮鹹濕鬼

下個月尾又到Halloween，又係扮醜扮癲去開P嘅日子，不過年年都係咁，你唔悶我都厭啦，遇着件「豬扒」埋身，真係谷鬼氣想揼佢一鑊！不如諗吓扮隻性感鹹濕鬼，露吓波罅同股罅，畀啲佬圍吓，話唔定當晚真係會畀「鬼」壓o架！

Sexy Pumpkin Witch Costume售價：US$47（約HK$366）

七彩沐浴Gel過足心癮

睇住AV女優喺吹氣床上面，幫男優搽滿「啫喱」，然後玩「波地」捽呀捽，唔止男優興奮，自己細佬都一樣興奮，真係好想玩埋一份。家陣唔使恨喇，只要買咗呢支名為Honey Bath Gel嘅沐浴啫喱返屋企，將佢倒入水中，等幾分鐘，浴缸嘅水就會變成「啫喱」狀，更有紅、橙、綠、紫等七種顏色任你揀，熄咗燈效果尤其浪漫o架！但大前提係要有對手肯同你玩囉！