相書有云：「法令如鐘者貴，如圓者富」，法令就係由鼻翼兩邊生落嘴角嘅線紋，一般嚟講，年老時有此紋比年輕時有嘅好，男人有紋亦比女人好，但如果女性生有又長又深嘅法令紋，就真係唔係好事，代表你夫運欠佳，要自食其力。
原來法令深長代表做人原則性強，而且令出如山，一定要別人聽從，好多企業嘅管理層都生有此紋，所以做事無往而不利，但女人生有此紋就代表唔可以依靠丈夫，一切要靠自己，已婚嘅與夫緣薄，未婚嘅可能孤獨終老。
姻緣運差嘅最主要原因，係因為佢哋原則性太強，生活上好多細節都要規管丈夫，就連性生活都規矩多多，稍為唔啱心意，就畀面色或者責難對方，試問有幾多男人可以頂得住吖！
達達